kári sighvatsson - ekki allra

NÝTT BLOGG - http://sighvatsson.bloggar.is

2007-01-22T15:49:00.000Z

ég hef opnað nýja bloggsíðu á slóðinni http://sighvatsson.bloggar.is - þessi síða er barn síns tíma, nú sjáið þið að ég geri upp á milli barnanna minna og afneita þessum króga hér með fyrir fullt og allt.

blessbless, en sjáumst á nýju síðunni AHEHAHEhasehahsAAHehaHEHAehAEhAHEA

OK

2006-12-12T18:01:00.000Z

Já ... ég man að í fjórða bekk spurði ég hver merking OK væri en ég man ekki eftir svörunum ... svo ég ákvað að fletta þessu upp á netinu og sjá hvað kæmi upp ... ég held það sé ekki til neitt eitt svar við þessu en þetta er skemmtileg pæling. Ágætt að lesa t.d. þetta, sem er áhugavert.

Annars þá er ég allt annað en glaður eftir breytinguna á blogginu mínu ... kommentin duttu út og linkarnir og allt draslið bara en ég treysti því að ég nái að laga þetta þegar ég hef tíma (í fríinu, jé).

Nýir tímar

2006-12-11T19:33:00.000Z

Vá, ég öpdeitaði bloggerinn minn og ætlaði að fá eitthvað svakalegt nýtt lúkk en þetta var uppskeran ... ekki alveg það sem ég bjóst við.

Myndafjör

2006-12-11T18:36:00.000Z

Jaaá, eins og fram hefur komið fékk ég mér myndasíðu. Nú, í tilefni spænskuprófsins á miðvikudaginn ákvað ég að skella inn gömlum myndum sem komu í ljós fyrir fáum dögum þegar pabbi var að tæma myndavélina, sem hefur verið lítið notuð undanfarna mánuði. Þarna voru nokkrar myndir, en þær getur þú skoðað hér! Ef þú ert fokking fab þá gætiru KANNSKI fundið af þér mynd þarna, því þær eru fáar.

DOA

2006-12-08T22:32:00.000Z

Úfff, ég ætlaði á James Bond: Casino Royal með pabba áðan. Það var uppselt ... og það Í ÞRIÐJU SÝNINGARVIKU, hvað er málið? Jæja, við nenntum ekki heim, við vorum ákveðnir í að fara í bíó svo að við ákváðum að velja bara aðra mynd. Það var því miður skammarlega lítið í boði eins og oft vill gerast í kvikmyndahúsum á Íslandi en við enduðum á hinni, vægast sagt, ótrúlega lélegu DOA: Dead or Alive.

Til að gera langa sögu stutta, þá er hún hrææææææææææðileg og því ræð ég öllum frá því að sjá hana, a.m.k. í bíó. Það væri heldur ekki réttlætanlegt að borga fyrir hana á videoleigu ... kannski allt í lagi að horfa á hana með öðru auganu í 11 ára afmæli litla frænda eða ef þú liggur veik/ur heima eitthvert síðkvöldið veturinn 2008 og ekkert annað er í sjónvarpinu. En þangað til ... neeeeeiii.

Þroskasaga og jólaandinn

2006-12-08T13:12:00.000Z

Ég kemst í svo gott jólaskap þegar ég sé að Burt Reynolds-jólapepsiauglýsingin er komin aftur í blöðin:

„Það vilja allar mömmur kyssa jólasveininn okkar“.

Uuu ... já, spurning hvort hún fari ekki aðeins yfir strikið. Hún særir barnið í mér, auk þess sem hún er illa orðuð. Hins vegar, þegar ég ætlaði að sjá hvort ég gæti fundið þessa auglýsingu á heimasíðu pepsi á Íslandi, rakst ég á hana þessa. Reyndar er ekki mikið annað að gerast á þessari síðu þeirra ... eeen það er eitthvað. Ætli ég sé þá að þroskast eftir allt saman? HA?

1st gear

2006-12-04T00:22:00.000Z

Hahahaha, ég verð að koma þessum snillingum á framfæri: Bronsrefurinn og félagar með íslenska útgáfu af Topgear - 1st gear.

Þetta er alveg milljón.

Leskaflar

2006-12-03T16:44:00.000Z

Svarið við spurningunni sem ég heyrði mest rætt um eftir félagsfræðiprófið stendur í ensku lesköflunum.

Mmm

2006-11-30T23:54:00.000Z

Góðir tónleikar í kvöld. Pétur Ben er kóngurinn. Eða svona. Hann er góður.

Djöfull keypti pabbi líka svakalega góðar appelsínur uppí búð. Tek pottþétt eins og eitt stk. með í nesti á morgun, ha.

Óþolandi

2006-11-30T13:44:00.000Z

Af hverju þarf alltaf einhver daunillur að prumpa þegar maður þarf að bíða í röð eins og t.d. þessari sem ég beið í áðan til þess að kaupa mér miða á ballið?

Skjárinn

2006-11-27T22:26:00.000Z

... er helvítis rusl.

Hvað er málið?

2006-11-27T19:47:00.000Z

Er Ragnheiður Gröndal búin að yfirtaka tíðni BBC World Service?

myndasíða

2006-11-20T20:05:00.000Z

hææææ, ég var að fá mér nýja myndasíðu. ég hef engar myndir til þess að setja inn því ég hef ekki tekið neinar myndir á síðustu misserum en þetta er liður í undirbúningi kaupa á myndavél sem ég stefni á að fá mér í janúar. nú, og þar sem það er svona mikill snjór úti og það styttist í jólin skellti ég inn einum jólahórubrandara sem er hressandi í skammdeginu.

uppfært:

já, ég gleymdi víst að setja inn hlekkinn á myndasíðuna en á henni hýsi ég jólahórubrandarann. svona til gamans setti ég inn gamlar myndir af okkur feðgunum.

Snjór

2006-11-19T12:55:00.000Z

Það er kósí þegar snjórinn liggur svona yfir öllu. Nú er svo miklu bjartara úti.

Úff

2006-11-18T12:04:00.000Z

Þetta nýjasta útspil Björns Bjarnasonar, þ.e. ensk áletrun á búningi lögreglumanna og á varðskipum Landhelgisgæslunnar, finnst mér svakalega plebbalegt. Væri ekki þjóðráð að veita eins og 100.000 kr. af almannafé til þess að kaupa einhverja stríðs-/hryðjuverka-/löggutölvuleiki og gefa honum í jólagjöf svo að hann geti fengið útrás fyrir þetta „fetish“ sitt.

svei

2006-11-15T16:57:00.000Z

ég sat í tölvunni og borðaði ristuð fræ og hnetur og skyndilega þurfti ég að hnerra. þá drituðust hálftuggin fræ og hnetur út um allt gólf, í augun á mér og upp í nef.

gegt.

Ojjjj

2006-10-19T18:16:00.000+01:00

Hahaha, ég hlustaði á lagið með Jordan og Peter André og það er skelfilegt. Ég trúi samt varla að þau hafi tekið þetta upp.

Það er linkur á það á síðunni hans Ómars.

Jess

2006-10-03T18:25:00.000+01:00

Ég er kominn með vinnu. Nú mun ég keyra um götur bæjarins með hinar ýmsustu matarheimsendingar á vegum just-eat.is

Í brennidepli

2006-09-29T20:48:00.000+01:00

Þessi borgarmyrkvi fór að mínu mati alveg út um þúfur sökum lítillar samvinnu borgara höfuðborgarsvæðis og nágrennis og sérstaklega í fyrirtækjum. Frekar slappt eins og hugmyndin var sniðug.

Helvítis lónið er að fyllast.

Heimsmeistaramót í kvenfegurð er nú í fullum gangi. Myndarlegar stelpur en það er svo asnalegt þegar það eru skot á þær tala 3 saman um hvernig þeim lítist á Pólland það sem af er o.s.frv. Það er svaaaðalega asnalegt.

Rennihurðafataskápatilboð er skemmtilegt orð.

Jájá.

ANTM

2006-09-06T23:21:00.000+01:00

Ég held með Kára í America's Next Top Model.

Ísland - Danmörk 0:2

2006-09-06T21:38:00.000+01:00

Oohhh, eins og ég var nú spenntur fyrir þessum leik. Þetta byrjaði nú alls ekki vel, og þá á ég ekki við markið á 5. mínútu heldur þegar sló út rafmagnið í hálfum Mosfellsbæ kl. 17.56 - eða fjórum mínútum fyrir leik. Þá var ég nýkominn ofan úr sjoppu með ískalt appelsín og popp, sem ég var við það að skella í örbylgjuofninn.

Svo var leikurinn sjálfur ekki upp á marga fiska ... Ég ætla svo sem ekki að vera úthúða „strákunum okkar“ - en þeir hefðu þó mátt nýta þessi fáu færi og mættu líka halda boltanum á jörðinni. Við gerum bara betur næst, ehaggi?

Fyndið

2006-08-29T20:59:00.000+01:00

Þorsteinn Guðmundsson er drepfyndinn á Rás2 með sína útgáfu af mönnum og málefnum, einskonar grín í stíl ekki-frétta eða e-ð í þá áttina. Ég veit ekki hvað hann kallar þáttinn en hann er stuttur og hélt mér þessar örfáu mínútur. Það olli mér vonbrigðum þegar ég kíkti á Rúv.is og komst að því að ég gat ekki hlustað á hann þar ... búbú.

Hryðjuverk í Marmaris

2006-08-28T02:23:00.000+01:00

Úff, feginn er ég að við sluppum við þetta.

Nótt

2006-08-25T04:00:00.000+01:00

Ég er andvaka.

Stutt uppgjör við sumarið 2006

2006-08-21T03:33:00.000+01:00

Í stuttu máli hefur þetta verið gjééggjað sumar þökk sé: Salamanca + íslensku hálendi og suðurlandsundirlendinu + Marmaris

Gallar: ég missti af íslenska sumrinu og ég á núll peninga - en það eru smámunir og reddast nú reyndar með smá púli með skólanum.

Síðustu daga hef ég svo verið að jafna mig eftir allt þetta grín því ég hef verið með harðsperrur í lifrinni, vannærður og illa sofinn í langan tíma. Nú er ég bara orðinn hressur og er spenntur að byrja aftur í skólanum og hlakka til að fara að gera eitthvað af viti.

Fokk

2006-07-31T14:21:00.000+01:00

Það er ekki gott að geyma allan undirbúning fyrir þessa Tyrklandsför fram á síðustu stundu.

Sigurrós í kvöld

2006-07-30T15:11:00.000+01:00

Djöfull hlakka ég til að fara á Sigurrós í kvöld. Ég hef sterkan grun um að þetta verði frábærir tónleikar og að það verði ansi margir tónleikagestir ... amma mín verður hluti af krádinu.

Mér þykir hins vegar mjög leiðinlegt að missa af þeim í Ásbyrgi, en það er nú góð og gild ástæða fyrir því. Ég hvet alla sem vettlingi geta valdið að skella sér norður ... ekkert útihátíðarpartístandsruglha?

Pirates of the Caribbean

2006-07-29T13:52:00.000+01:00

er skemmtileg og töff en endar ömurlega, raunar eins og framhaldsþáttur sem er sýndur á vikufresti. Mæli samt með því að sjá hana í hi-def í Kringlubíó.

Týndur sími?

2006-07-28T12:33:00.000+01:00

Þegar ég hélt partíið eftir prófin í vor þá gleymdi einhver símanum sínum. Svo gleymdi ég að segja frá því en ég er að því núna. Hann er grár af gerðinni Nokia 2100. Vonandi kemst hann til skila?

21. öldin

2006-07-25T11:21:00.000+01:00

Óóó, ég segi aðeins tvennt: 73 kr. per 160 km og 0-100 km/klst. á 4 sekúndum.

http://www.teslamotors.com/index.php?js_enabled=1

Kemur á markað sumarið 2007. Hversu ljúft væri að þurfa ekki að eyða tugum þúsunda í bensín á mánuði? HE? Ekki spillir fyrir að hann er argasti sportbíll.

Aaaahh

2006-07-20T21:42:00.000+01:00

Ég er búinn að tjilla uppi á hálendi síðan ég kom heim en er kominn aftur á mölina núna. Ég var að trússa foreldra mína í langri, strangri og skemmtilegri ferð sem endaði í Gunnarsholti en svo verður haldið áfram á (morgun?) held ég því þau eru hardcore og ekkert annað kemst að í lífinu.

Annars var það sko ekki amalegt að fá alvöru sumarhitabrælu í dag, úff. Ég lá og svaf með nafnlausa nýja folaldinu okkar sem fæddist í fyrradag í 25° hita og logni - toppurinn á tilverunni get ég sagt ykkur.

Ísland, best í heimi?

2006-07-17T12:06:00.000+01:00

Ég er kominn heim eftir dvöl mína á Spáni, nú reynslunni ríkari og það sem meira er - miklu betri í spænsku, je. Ég hefði viljað vera lengur því það var ógeðslega gaman en svona er þetta. Ferðin heim tók mig 23 tíma: fyrst með lest frá Salamanca til Madrid þar sem ég þurfti svo að bíða í 4-5 tíma eftir fluginu. Reyndar þurfti ég að bíða í rúmlega 14 tíma vegna 9 og hálfs tíma seinkunar.
Okkur farþegunum var þó skaffað hótelherbergjum en það var samt svolítið kjánalegt kerfi á því við, því vorum ferjuð í hollum í 19 manna rútu og ég fór í síðasta hollinu (löng bið). Hótelið var samt geggjað, en það er víst það stærsta í Evrópu og ég fékk einhverja svaka lúxussvítu með rúmi sem ég gat sofið í á báða vegu án vandamála og öllu mögulegum og ómögulegum þægindum en þó með einum stórum galla: ég gat ekki kveikt ljósið?
Ég dó hins vegar ekki ráðalaus og kveikti á sjónvarpinu til þess að sjá handa minna skil en hvað kom þá upp á skjáinn nema argasta klám. Og ekki bara klám heldur klám döbbað á þýsku. Ég íhugaði að æfa þýskuna mína aðeins en leist svo ekkert á blikuna og skipti um stöð en þá voru bara fulltfulltfullt af klámstöðvum. Ég þurfti að skipta nokkrum sinnum til þess að finna eitthvað annað en fór svo bara að sofa því við höfðum bara þrjá tíma á hótelinu.

Svo þegar ég kom heim til Íslands sótti Sturla bróðir mig og við keyrðum heim með viðkomu á Pizza Hut í Smáralind þar sem við fengum ógeðslega lélega þjónustu og vonda pizzu (við fengum samt 15% afslátt - woah) og svo fórum við heim. Við stoppuðum þó ekki lengi heima, heldur hoppaði ég í sturtu og svo rukum við af stað austur í Landmannalaugar til þess að hitta mömmu og pabba sem eru að hestast uppi á hálendinu. Þar grilluðum við íslensk lambalæri og rifum í okkur ásamt meðlæti (ég var mjeeeg svangur).

Það voru heldur betur viðbrigði að koma heim úr 40°+ og matseld „spænsku móður minnar“ og skella sér beint upp á hálendið í ísköldum júlímánuði á Íslandi í 5°C og í alvöru íslenskan mat (og þá á ég ekki við pizza hut).

Miklar breytingar á 24 klst.

viðbót: ég keypti mér „Pabbi þarf að vinna“ með Baggalút og hlustaði á hann - fyndið sjitt.

HEY

2006-07-11T16:38:00.000+01:00

Herdís og Magga, ef tid lesid tetta: hvernig er haegt ad na i ykkur?

+3546952465

HM

2006-07-10T09:59:00.000+01:00

Já, Ítalirnir hofdu tetta - eins og margir hofdu sagt ádur en keppnin hófst.
Hérna vard allt vitlaust enda býsna margir Frakkar og Ítalir staddir í borginni. Ég hefdi tó heldur viljad vera staddur í Frakklandi og ennfrekar á Ítalíu tví ad úrslitaleikur HM = heljarinnar partí býst ég vid (midad vid hvernig ítalirnir hogudu sér hér og tad a sunnudagskvoldi).

Ég studdi samt Frakkana, trátt fyrir ad teir hafi sparkad út mínum monnum, Brasilíu og reyndar Spánverjunum líka, sem mer tótti leitt, tvi tad var alltaf mikill aesingur i kringum leiki spaenska lidsins.

Mér tykir tetta samt dapurlegur endir a annars vaegast sagt mjog farsaelum ferli Zidane. Leitt.

wtf

2006-06-21T12:11:00.000+01:00

Ég fékk sms ádan og í tví stód:

Thank you for subscribing to Irreal Dating Service. Your phone will be charged $2.00 per day until you unregister ONLINE at www.irrealhost.com - Enjoy!

Stutt lysing a adstaedum

2006-06-19T10:10:00.000+01:00

Tad er buid ad vera trumuvedur undanfarna trja daga og m.a.s. sma hagl i kjolfarid en nu er aftur sol og sumar. Eda nei, reyndar er ennta vor, tvi sumarid byrjar vist ekki fyrr en a sumarsolstodum tann 21. og hitinn byrjar eftir tad. Eins og 35º seu ekki nog?! Eg snodadi mig lika um daginn, tad er mjog skritid en jafnframt taegilegt.

Spaenskan er annars mjog skemmtilegt tungumal og tetta er allt ad koma hja mer. Eg verd vonandi vel talandi i juli.

Meira sidar, tarf ad fara i tima!

iPod

2006-05-26T17:59:00.000+01:00

Á miðvikudagskvöldið var einhver rosalega sniðugur og gerði sér lítið fyrir og eyðilagði iPodinn minn, en það er frekar uncool að gera svoleiðis. Ef viðkomandi sér sér fært um að gefa sig fram er það hreint ekki svo galin ákvörðun.

Síminn er 6952465 - hringdu núna, því annars ...

C-ya

2006-05-26T01:33:00.000+01:00

Ég er farinn til Spánar. Sjáumst eftir 6 vikur. Bæææjj.

Eurovision

2006-05-20T21:28:00.000+01:00

Ég tilkynni það hér með að ég held með Úkraínu í Eurovision og vona að þessi stelpa (sem ég veit ekki hvað heitir) vinni. Ekki spillir útlit hennar fyrir, sjiiiiitt.

ATH

2006-05-13T11:55:00.000+01:00

Kæru málvísundar. Þurfum við ekki að fara að panta okkur borð á Tapas-barnum?

Ofmat Íslendinga á enskukunnáttu sinni

2006-05-11T19:03:00.000+01:00

Ég tel mig ágætan í ensku (miðað við aðstæður) en er þó fullkomlega meðvitaður um að ég get lært svo miklu, MIIKLU meira (eins gæinn sagði í auglýsingunni, sem ég man reyndar ekki hvað auglýsti, sagði. Reyndar gúglaði ég „heldur svo miklu, miklu meira“ í því skyni að reyna að finna auglýsinguna en án árangurs. Ég fann samt aðra auglýsingu, fyrir áhugasama - smá útúrdúr).

Það er gríðarlega algengt að Íslendingar telji sig altalandi á enskri tungu eftir að hafa horft á 1000+ Hollywood myndir og fleira gott efni yfir ævina. Það er vitaskuld fjarri sanni. Gaman að segja frá því til dæmis að ég hefi oftar en einu sinni og oftar en tvisvar verið spurður að því hvað Una, systir mín, sé að læra, en hún er einmitt í ensku í HÍ. Ósjaldan hafa viðbrögðin við svari mínu verið eitthvað á þessa leið „kann hún ekki ensku eðaaa“ eða „bídduu, ensku? til hvers??“, sem mér finnst svolítið fyndið.

Nú, svo lenti ég í þeim skemmtilegu aðstæðum í vikunni að vera spurður til vegar af erlendum ferðamönnum (tönuðum miðaldra hjónum) á leið minni upp Skólavörðustíginn, en þau spurðu um nálæga fiskbúð sem seldi humar. Ég náði alveg að vísa þeim á Fiskbúðina, Freyjugötu 1 - en það hefði, án efa, getað verið betur gert (þótt ótrúlegt sé, þar sem hinn mikli Kári er í þessu samhengi). Það vakti athygli mína enn einu sinni á'essu heeelvíti. Þau sögðu mér reyndar að sú fiskbúð selur einmitt ekki humar.

Bottomlænið er að margir Íslendingar ofmeta gjarnan enskukunnáttu sína og ég hef lengi veitt því athygli. Nú ættu menn bara að fara að passa sig þar sem borgin er nú tekin að fyllast af ferðamönnum. Mikið vildi ég samt vera ferðamaður einhvers staðar úti í heimi ... úú.

Harmsögur úr samtímanum

2006-05-11T18:17:00.000+01:00

Um daginn var kvartað undan bjartsýni í bloggi mínu. Ég hef ákveðið að kippa því í liðinn. Jájá, það er alveg nóg að gera þegar maður er í miðri prófatörn. Og alveg nóg að gerast. Á meðan við höfum setið við lestur stendur yfir Hláturhátíð í Borgarleikhúsinu, Vorblót-tónlistarhátíð (haldin í fyrsta skipti núna), Manchester-tónleikakvöld (sem reyndar voru glataðir), vorið að koma, grundirnar gróa, veðrið dúndurgott og ég veit ekki hvað og hvað. Það er ömurlegt að sitja inni í góðu veðri og lesa en ég svekki mig svo sem ekkert sérstaklega yfir því, það er bara eins og gengur.

Málið er bara, að það er ekki nóg með að ég þurfi að sitja inni í góða veðrinu og eigi erfitt með að einbeita mér yfirleitt í prófum (að ég tali nú ekki ef nokkrir dagar eru til stefnu), heldur er einhver djöfuls risa-dísel-loftpressa hinum megin götunnar, sem er ógeðslega hávær og knýr einhverja helvítis risabora, sem einhverjir iðnaðarmenn standa sveittir við og hakka alla mögulega og ómögulega fleti í kjallara gistiheimilisins Aurora og trufla mig bara nokkuð mikið (úrdráttur). Þetta ferli hefur nú staðið í allmarga daga.

Flestum þætti þetta eflaust fullmikið af því góða en þetta er ekki búið - því hvað er hinum megin við húsið? Jú, kæru lesendur. Þar hafa staðið vöru-, krana- og steypubílar með öll tilheyrandi bakk- og vélarhljóð svo dögum skiptir, sem hafa verið að gera ég veit ekki hvað á hótelplaninu í ca. 10 metra fjarlægð frá húsinu. Ég reyni að líta á björtu hliðina (uhh) en get þó vottað að þessir gæjar eru stundvísir, því þeir eru alltaf mættir á slaginu 8, sem er mjög gott.

Auk þessa, þá, eftir að hafa vaknað kl. 04 í morgun (til þess að fá smá frið frá „umhverfishljóðunum“) og lært eins og mófó fyrir líffræði, mætti ég niðrí skóla til þess að taka sjúkra-stúdentspróf en getið hvað? Það var ekki sjúkrapróf í líffræði í dag. Það kann að virðast jákvætt en það var það ekki, þar sem ég hafði undirbúið mig og var reiðubúinn að takast á við þetta helvíti (líffræði er ekki uppáhaldið mitt) og svo var bara ekki neitt.

Allt þetta í ofanálag við hinn venjulega hávaða og læti frá starfsmönnum ákveðins Pizzastaðar í götunni og mjálmið í kettinum úr næsta húsi, sem aldrei er hleypt inn og situr því undir glugganum mínum allan daginn og mjálmar.

Annars er allt gott að frétta af mér ...

Ææ

2006-05-08T11:25:00.000+01:00

Ahahahahaha, þetta er bráðfyndið.

Jæja

2006-05-02T18:50:00.000+01:00

Nú hef ég greitt útskriftarferðina að fullu. Það er ágætt, nú finnst mér meira eins og ég sé að fara.
Prófin hafa verið hreint prýðileg hingað til en næst eru málvísindin og það er stúdentspróf. Sjáum til hvernig það fer.

Elskaðu náungann

2006-05-01T17:40:00.000+01:00

Það er alltaf gaman að fá sms frá fólki sem maður þekkir ekki, sem ekki ætlar að senda manni sms. Í dag fékk ég eitt slíkt, sem greinilega átti ekki að fara í minn síma, heldur einhvern allt annan. Ég ákvað að nota tækifærið til þess að hressa aðeins upp á daginn, sem ekki hefur verið mjög líflegur heldur einkennst af próflestri. Í skeytinu saklausa stóð:

„Það gengur vel. Hún borðar alveg og hin kisan er hætt að vakta hana stöðugt og hvæsa :-)“

Þessu svaraði ég með eftirfarandi orðum: „Það er nú flott, skíttu í þig.“

Ég veit ekki hvað kom yfir mig og hvers vegna ég skrifaði þetta en ég bara vissi ekki hverju ég ætti að svara og reyndar fannst mér fyndið að segja þetta á þeim tímapunkti (ég er svo einfaldur). Reyndar fékk ég svolítið samviskubit eftir á og íhugaði að senda jafnvel eitthvað aðeins mildara aftur en þá fékk ég nýtt skeyti sem í stóð „Vitlaust nr. fáviti“.

Þetta var hressandi en næst þegar ég fæ eitthvað svona skeyti (ég hef fengið nokkur áður, t.d. um útvíkkun hjá eiginkonu á fæðingardeildinni o.fl) þá ætla ég ekki að svara því dónalega því að maður á auðvitað að koma fram við náunga sinn eins og maður vill láta koma fram við sig.

Þetta var kærleikspistill vikunnar, kæru lesendur - vonandi opna ég augu einhverra, sem munu þá koma betur fram við ALLA Í HEIMINUM. Aaaaahh, pís át.

Næstu stórstjörnur í íslenskri tónlist

2006-04-30T01:20:00.000+01:00

Eins og allir vita og Barði úr Bang Gang orðaði svo skemmtilega, þá „gera íslenskir tónlistarmenn nákvæmlega það sem þeim sýnist, vegna þess að þeir vita að þeir munu aðeins selja 200 plötur“ og það er ástæðan fyrir því að íslensk tónlist er sérstök, öðruvísi og umfram allt - hip&kúl.

Þessir strákar eiga framtíðina fyrir sér í bransanum, enda aðeins 14 ára gamlir (held ég) ... endilega tékkið á þeim og gefið þessu smá séns ... þeir verða betri með hverri hlustun.

Hljómsveitin er búin að gefa út tvö lög á Rokk.is
og hér er svo heimasíðan þeirra, mæli með því að þið skoðið textana þar og lærið þá strax utan að - ef þið viljið vera menn með mönnum. Þið getið væntanlega lesið viðtal við þá í næsta tölublaði Séð&Heyrt en þeir áttu að vera í því síðasta. Þetta eru menn með mikla hæfileika til textasmíða og mun vafalaust mikið fara fyrir þeim á næstu misserum. Ég hlakka til að Sjá&Heyra meira.

Fyrsti fimmtudagur eftir 18. apríl

2006-04-20T15:18:00.000+01:00

Gleðilegt sumar. Ég ætla í körfubolta.

Leti

2006-04-04T23:07:00.000+01:00

Aaah.
Ég sit nú og bíð eftir páskafríinu. Ég nenni ekki á grímuballið sem er í kvöld og hef því hætt við að fara.

Úff.

Smá pæling

2006-03-27T20:50:00.000+01:00

Það eru áreiðanlega allir komnir með leiða á óhollum skyndibita á Íslandi en því miður finnst fátt annað. Burger King, KFC, McDonald's, Quizno's, Subway og svona mætti lengi telja. En örvæntið eigi, kæru vinir, því ég er kominn með viðskiptahugmynd:

Ég vil opna nýjan heilsuveitingastað í miðbænum, helst við hliðina á Grænum kosti. Allir vilja borða hollan mat svo að þetta er alveg eitthvað sem mætti taka til athugunar ...
Það er staðreynd að flestir eru annaðhvort hunda- eða kattamannsveskjur svo að matseðillinn tæki þá mið af því.

Þetta er milljónahugmynd, ég verð RÍKUR!

Mæspeis

2006-03-21T21:52:00.000Z

Hvernig er þetta myspace, getur einhver útskýrt það fyrir mér í örstuttu máli?

Tíma- og peningaeyðsla

2006-03-12T22:35:00.000Z

Enn einu sinni hefur mér tekist að eyða heilli helgi í ekki neitt. Og það sem verra er: Ég var búinn að ákveða að eyða ekki peningum óhóflega því að ég ætlaði að safna smá fram að prófum en um helgina eyddi ég um 5000 kr í mat.
Ég keypti mér líka 2 skópör, fyrir 500 kr hvort - það voru kjarakaup. Og það sem meira er, annað þeirra er bleikt! Jájá, ég á bleika skó.

Party crasher - Still K.R.I. (úff)

2006-03-06T21:40:00.000Z

Ég hélt stutt og laggott partí eftir glæstan sigur Morfísliðs MR-inga á verslingum á föstudaginn var. Á tímabili stefndi í að enginn myndi mæta og ég ætlaði bara að fara að koma mér út en svo fór ekki því að smám saman fór fólk að tínast inn, fyrst þær Soffía og Þóra. Sem betur fer kom fólk því að annars hefði ég sennilega slegið met í partíhaldi með því að fá 0 gesti.

Þetta var fínt og allir voru glaðir með góðan og verðskuldaðan sigur. Við krössuðum svo skreytinganefndarpartíið hjá Togga en þar var ég ekki lengi heldur fór bara heim að sofa.

Á laugardagskvöldið krassaði ég annað partí með Mosfellingunum mínum á Café Opera því að þar var frítt áfengi. Þar var ekki gaman en mig langaði bara að segja frá því, þar sem ég hef póstað nokkrar hrakfallasögur af sjálfum mér á þessu bloggi, að eftir að við komum okkur þangað og ég beið í röð til að fá mér frían bjór, þá kláraðist hann á manninum fyrir framan mig. Það var mikið svekkelsi og við fórum þaðan stuttu eftir það.

Ég er ekki vanur að skrifa „hvað ég gerði og hvert ég fór svo partísögur“ en þetta verður bara að vera undantekning á því. Verst hvað tíminn um helgina nýttist samt í ekki neitt svona eftir á að hyggja.

Í dag fórum við Brynja, Hildur Helga, Sigrún og Soffía svo og lögðum málvísindaverkefnið fyrir viðmiðunarhóp sagnfræðinema við HÍ. Flestir þeirra hlógu þegar þeir lásu söguna en fæstir þeirra gátu þó unnið það villulaust.

Svo keyrði ég NÆSTUM ÞVÍ á gamla konu í dag. Fjúff, það munaði bara hársbreidd en sem betur fer tók hún ekki eftir neinu.

Újé

2006-02-21T21:00:00.000Z

Ég er að fara að fá mér nýja tölvu (byrjunarhorf). Ég er að fílaða (dvalarhorf).

Til hamingju Ísland

2006-02-05T15:24:00.000Z

Áfram Silvía Nótt.

Netleysi

2006-02-03T14:41:00.000Z

Ég verð því að hryggja þá sem enn lesa þessa klekkuðu síðu með þeim fregnum að ég sé ekki fram á að ég verði mjög samviskusamur blyggir á næstunni. Því miður. Þannig er mál með vexti að ég hef ekki aðgang að netinu á hverjum degi (djísús, og það er komið árið 2006), þar sem tölvan mín hefur því miður ekki innbyggt netkort sökum aldurs. Ooo.

Ég vil jafnframt skjóta inn auglýsingu: Hafi einhver áhuga á að kaupa klósettpappír eða kaffi, hvet ég viðkomandi til þess að hafa samband við mig í síma 6952465 fyrir nánari upplýsingar. Allur ágóði sölunnar fer í gott málefni, þ.e. þýskuferðina mína / útskriftarferðina mína. Ég er þess virði að eyða peningum í, treystið því.

Gleði til góðgerða

2006-01-12T19:28:00.000Z

Flest okkar vita að Íslendingar eru afar tæknivæddir og á meðal duglegustu þjóða heims að eyða peningunum sínum í hin ýmsu raftæki. Ekki eins margir vita um tölulegar staðreyndir málsins en til dæmis eru tölvur á 89% íslenskra heimila, 98% eiga sjónvarp og farsíma og 86% Íslendinga nota netið, flestir þeirra daglega og hafa háhraðatengingar. Auk þess eru að sjálfsögðu fleiri tæki sem þykja sjálfsögð á íslenskum heimilum og helst þurfa að vera til sjónvarp, dvd-spilari og hljómflutningstæki í hverju barnaherbergi. Myndbandstækin eru börn síns tíma og eru nú orðin úrelt og dvd-diskar komnir í þeirra stað.
Vasadiskó og ferðageislaspilarar eru einnig úrelt tæki og enginn er maður með mönnum nema hann sprangi um með mp3 spilara í vasanum og hlusti á tónlist sem nú er hægt að kaupa á internetinu þó sumir nái sér þó í tónlist á ólöglegan hátt, reyndar einnig á internetinu. Vegna þessa fara geisladiskar líka að syngja sitt síðasta enda gömul uppfinning.

Varðandi mp3 spilarana þá hefur Apple vafalaust bestu markaðssetninguna á iPodunum sínum og eru með áberandi ráðandi heimsmarkaðshlutdeild og um 90% hér á landi. Hér á Íslandi þurfum við að margra mati að punga út helst til háum upphæðum fyrir iPod, þrátt fyrir "úttroðin" veski okkar, því að íslenska ríkið hefur leiðindatolla á þeim og öðrum slíkum vörum. Apple-umboðið á Íslandi hyggst nú hins vegar höfða mál gegn íslenska ríkinu á næstu dögum vegna þess að ástandið er jú að margra mati óásættanlegt. Fólk kaupir sér þessar vörur frekar erlendis og reynir að "smygla" þeim inn til að komast hjá því að greiða af þeim virðisaukaskatt en á þá vitanlega erfiðara með að nýta sér ábyrgð á tækjunum ef e-ð kemur upp á. Vonandi tekst lögfræðingum Apple að hreyfa eitthvað við stefnu stjórnvalda í þessum málum svo við getum keypt okkur fleiri iPoda og viðlíka vörur á hagstæðara verði.

Það er líka mjög leiðinlegt að þurfa að borga stórfúlgur ef maður vill fá sér aðeins í aðra tána en nú eru gjöld á áfenga drykki, eins og flestir hafa væntanlega tekið eftir, mjög há. Verð á áfengi lækkar líka ekki þrátt fyrir hagstætt gengi krónunnar en væri ekki rökrétt að e-ð samhengi væri þar á milli? Ég vildi gjarnan geta skokkað út í Nóatún og keypt mér kippu af bjór eða rauðvínsflösku með ostinum og vínberjunum en það get ég ekki. Ekki veit ég reyndar til þess að það eigi eftir að breytast á næstunni, þótt það væri vissulega mun þægilegra.

Það væri einnig gaman ef virðisaukaskattur á matvörum yrði afnuminn eða lækkaður verulega því að 50% hærra verð á matvælum er heldur mikið bil að mínu mati, þrátt fyrir að við séum eyland og flutningsgjöld og annað kunni að vera hátt til landsins. Hver vill ekki borga minna fyrir matinn sinn og geta eytt meira í til dæmis áfengi og raftæki? Eða jafnvel nýjan lúxusjeppa? Eða sparnað eins og Landsbankinn reynir að prédika fyrir manni í leiðinlegum og asnalegum auglýsingum í sjónvarpinu. Það er ýmislegt sem Íslendingar telja orðið svo mikilvægt af sínu daglega lífi - hlutir sem fólk annars staðar í heiminum hugsar aldrei um.

Sumir vilja minnast á misskiptingu lífsgæða í þessum efnum, sem vissulega er mikil ef við berum Ísland saman við þriðjaheimsríki Suður-Ameríku, Afríku og Asíu. En ef við finnum aldrei að því hvernig hlutirnir eru hjá okkur því að aðrir hafa það ekki eins gott stöndum við í stað. Ef við lítum í eigin barm sjáum við að vissulega er líka mikil misskipting á milli fólks í íslensku samfélagi. Leikskólakennarar, strætóbílstjórar og öryrkjar hafa til dæmis nóg að gera við að berjast fyrir auknum lífsgæðum á meðan Baugsfeðgar, Björgólfsfeðgar, Bakkavararbræður og margir fleiri breiða sífellt úr sér og Ragnhildur Geirsdóttir fær 130 milljónir við starfslokasamning.

Nú hef ég stokkið úr einu í annað og hafði alls ekki í hyggju að skrifa þennan pistil en hann verður ekki lengri. Ég byrjaði bara þegar ég las um lögsókn Apple á mbl.is en svo kom það inn í að ég hef áhuga á tækninýjungum, mat og víni og vildi gjarnan fá þessar vörur á hagstæðara verði. Svo vildi ég auðvitað að allir gætu haft það gott og fengið nóg að borða og drekka … en í sambandi við það þá hvet ég MR-inga til þess að vera rausnarlegir á morgun og sjá ekki eftir peningunum sínum söfnuninni Gleði til góðgerða. Allir peningar renna óskiptir til Rauða krossins (vona ég).

Rétt að nefna að ég las sitthvað á þessum síðum:
http://www.ns.is/ns/frettir/?cat_id=6413&ew_0_a_id=161564
http://www.mbl.is/mm/frettir/frett.html?nid=1178653
http://www.mbl.is/mm/frettir/serefni/taekni_2006/taekni_2006.html

Jólatónleikar MR kórsins

2005-12-30T11:29:00.000Z

Já, gleðileg jól, gott fólk.
Í kvöld kl. 20.30 syngur sameinaður MR-kór síðustu 10 ára í Landakotskirkju. Það er frítt inn svo ég hvet fólk til að mæta.

EREKKI'ALLIRÍSTUÐI!?

kór pics

2005-12-16T22:18:00.000Z

Jæja, ég komst að því að þær myndasíður sem ég hef verið með hingað til eru drasl. Ég stofnaði svona Yahoo reikning áðan eins og Edda er með og það er svona 100x betra. Þetta eru myndir úr kórferðinni sem ekki fengu að komast á hina rusl síðuna en þær munu vonandi gleðja einhvern?

Þessi reikningur er kominn á linkalistann minn hér til hliðar og ég mun setja mínar myndir inn á hann framvegis. Kannski ég verði duglegri við að taka myndir og setja á netið úr því að ég er kominn með almennilega síðu.

Svo vil ég líka koma þeim skilaboðum (aftur) til Ómars að mér þykir þetta skemmtilegt hjá honum að halda partí fyrir kórinn, það er vöntun á því. Þetta verður feitt stuð bara, haa.

Jólagrauturinn á NASA í kvöld - Hjálmar, Mugison og Trabant - ójá.

Gleðifréttir

2005-12-15T23:52:00.000Z

Jæja, gott fólk. Mér til ómældrar ánægju fann ég myndir sem ég hélt ég væri búinn að glata í tölvuskiptum. Þessar myndir eru úr kórferðinni síðasta vor (2005) en ég setti um helming þeirra á netið í sumar.

Þar sem öðlingurinn Ómar ætlar að halda kórferðarpartí á sunnudaginn er kannski við hæfi að ég hendi restinni af þessum myndum inn - ég ætla að gera það um helgina, því að það er svo langt síðan ég setti mynd á netið að ég man ekki hvernig ég geri það.

Gott stöff, þetta.

Heitasta helvíti

2005-12-15T17:00:00.000Z

hvað það er gott að vera kominn í frí! Aaah.

ég væri til í

2005-12-10T21:47:00.000Z

að taka þátt í svona skrúðgöngu þar sem fullt, fullt, fullt af nöktu fólki labbaði saman og syngi lög um hressleika.

að enginn segði ósatt.

að vera búinn í prófunum.

að fyrir hvern sólarhring sem líður í jólafríinu bættust 6 klukkustundir við fríið svo að ég geti slakað á og notið lífsins.

að kunna ógeðslega mikið í sögu og landafræði og ógeðslega mörg túngumál.

að fara til kína og líka að koma á heimsfriði (ungfrú heimur er í sjónvarpinu.)

að geta kunna að fljúga og eiga eigin flugvél.

að eiga bát og kunna að sigla.

að ferðast víða um heim í flugvélinni minni eða bátnum og hitta fullt af skemmtilegu fólki.

það verður gaman þegar ég get strikað yfir atriði af þessum lista - a.m.k. eitt þeirra er ekki svo fjarlægt ennþá.

Íslendingar eru fallegt fólk ...

2005-12-10T16:09:00.000Z

það er fiskurinn líka.

Jáhá. Unnur Birna er bara orðin Ungfrú heimur. Það er ágætt hjá henni.

Pandora

2005-12-09T17:43:00.000Z

Ohh, í dag uppgötvaði ég svolítið sem er aaalgjör snilld. Þetta er ekki nýtt en ég sá þetta fyrst áðan. Ef þú þekkir þetta, þá spyr ég: Hvers vegna varstu ekki búin/n að segja mér frá þessu strax í gær?

Það sem ég er að tala um heitir Pandora. Fyrir mann eins og mig er þetta eins og að, að .. ég veit ekki. Þetta er bara helvíti, djöfulli sniðugt. Nú (þótt það sé gaman) þarf ég ekki að grúska á jafn frumstæðan hátt. Þessi græja gerir manni kleift að finna allskyns tónlist - ef þú stimplar inn einn tónlistarmann, hljómsveit eða lag, þá finnur græjan fyrir þig eitthvað sem þér gæti mögulega líkað. Þetta er ekki ný hugmynd, en þetta er svo snilldarlega framsett: Þú færð að hlusta á öll lögin og heyra og getur þannig dæmt lögin og tónlistarmennina. Ef áhugi kviknar á einhverju sérstöku, þá geturðu prófað að hlusta á meira með viðkomandi og kynnst tónlistinni betur. Svo fær maður sér bara diskinn (eða downloadar, obbobobb) ef hann er heitur.

Þetta er heittfeittfeittheitt shit og ég mæli hiklaust með því að þú prófir að nota þetta ef þú hefur áhuga á tónlist. Frábær leið til að kynnast nýrri músík, eða grafa dýpra í þá tónlist sem þú þekkir.

Nú er ég bara nýbúinn að kynnast þessu og á eflaust (og vonandi) eftir að finna einhverja sniðuga fídusa í þessu. Þá kannski segi ég frá því og lýsi enn frekari ánægju minni á Pandórunni. Annars er kannski ekki alveg beeest í heimi að uppgötva þetta svona í miðri prófatörn en ég er bara slakur og ætla að flippa í þessu áfram í dag.

Kíkið á þetta -- eftir próf :)

Aaaaaaaaaahh

2005-12-09T14:25:00.000Z

sjitt hvað er gott að geta aaaaðeins tjillað (með góðri samvisku). ég ætla snemma að sofa í kvöld.

Daglegt líf ...

2005-11-26T11:05:00.000Z

Chesnuts roasting on an open fire ...
... Það er greinilega farið að styttast í jólin. Jólaskreytingarnar eru löngu komnar upp um allan bæ og jólaklósettpappírinn kominn (ööh).

Gaman væri að geta slakað á og gert eitthvað skemmtilegt en það get ég auðvitað ekki strax - ég hef alltof mikið að lesa upp, æææ. Það er leiðinlegt að fatta að maður hefur ekki verið nógu duglegur þegar svo stutt er í próf en vonandi fer allt vel. Jájá.

Allir skelli sér á Harry Potter við tækifæri. Klassi.

Hahaha

2005-11-13T22:18:00.000Z

Silvía Nótt fór á kostum áðan.

Kári Stefánsson

2005-11-11T16:15:00.000Z

Viðtalið við nafna minn, Kára Stefánsson, í Kastljósinu í gær var bara aðeins of fyndið. Þeir sem misstu af því, ættu hiklaust að horfa á það.
Frábær uppgötvun hjá ÍE og co. samt.

Benedikt Magnússon II

2005-11-07T01:07:00.000Z

Já, það er kannski rétt að benda á, vegna þess að ég talaði um hann í vikunni, að drengurinn er búinn að setja nýtt, viðurkennt heimsmet í réttstöðulyftu. Hann lyfti 440 kg á móti í Finnlandi. Heimsmetið var 425 kg (en hann átti það ekki þó svo hann hafi lyft 426 kg á æfingu.)

Á maður ekki að vera ánægður með íslenskan heimsmeistara?

Sudoku

2005-11-06T11:52:00.000Z

Sudoku þrautir eru ávanabindandi.

[update]: hingað til hef ég bara gert þrautir þegar ég fer í heimsókn upp í Mosfellsbæ en áðan fann ég sudoku á netinu. Æææ.

Þarfanautið

2005-11-04T19:50:00.000Z

Eldur frá Laugabóli í Reykjadal í Suður-Þingeyjasýslu er sigurvegarinn. Flottur.

Hið íslenska þarfanaut

2005-11-01T20:55:00.000Z

Fréttamaðurinn Gísli Einarsson, fréttamaður á Vesturlandi, er steiktur gaur og sér nú um leitina að eftirnauti Guttorms í Húsdýragarðinum. Þetta er skemmtileg og spennandi keppni og gerir létt grín að asnalegum sjónvarpsþáttum eins og bachelor.

Þú munt geta kosið þitt uppáhalds naut á mu.is eða hér á vef Kastljóssins þegar vefirnir verða uppfærðir. Láttu ekki þitt eftir liggja, því eins og Gísli orðaði það, þá mun sigurvegarinn eyða ævi sinni í Húsdýragarðinum og sleppa við þau grimmu örlög að verða roastbeef og borðaður með remúlaði.

Sniðugt á Íslandi.

Benedikt Magnússon

2005-10-31T16:05:00.000Z

Þetta er það sem ég var að tala um í líffræði ef einhver hefur áhuga á að skoða. Öflugir strákar.

[update] bendi á skemmtilega frétt á Djöflaeyjunni í þessu samhengi.

Kiss kiss, bang bang

2005-10-31T01:13:00.000Z

Þetta er virkilega skemmtileg og kaldhæðin mynd. Mæli með henni.

Vetur konungur genginn í garð?

2005-10-28T18:00:00.000+01:00

Já, veðrið er alltaf klassískt umræðuefni þegar fólk hefur ekkert að tala um. Nú, þar sem fyrsti snjórinn er fallinn, má segja að veturinn sé genginn í garð og tekinn við af haustinu.

Er það ekki bara gott og blessað, spyr ég? Það birtir jú yfir öllu í skammdeginu þegar snjórinn hvíti liggur yfir öllu. Ég vil reyndar bara hafa snjó eða ekki snjó, ekki þetta leiðindamillistig, sem svo oft einkennir íslenska veturinn ... af/á/af/af/áá svo ég vona að þetta sé þá annað hvort stutt skorpa, sem gengur yfir á nokkrum dögum, eða þá að við fáum að hafa snjó í vetur svona til tilbreytingar.

Það er reyndar einn hængur á, nú þegar skyndilega hefur kólnað á síðustu dögum. Þannig er nefnilega í pottinn búið að gólfhitakerfið hérna hjá okkur á Freyjugötunni, sem á að sjá um að hlýja okkur við aðstæður sem þessar, er vitlaust tengt - og því sit ég hér við skrifborðið mitt og er að drepast úr kulda á fótunum.

Grey ég!

White Stripes

2005-10-22T19:57:00.000+01:00

hæ.

White stripes til Íslands. Áfram Ísland.

kórpartí?

2005-10-17T15:24:00.000+01:00

hvernig var þetta? maður heyrði bara af einhverju sveittu og skítugu partíi. verst að maður komst ekki sjálfur, ha .. veit einhver eitthvað um þetta?

Íslenski bachelorinn

2005-10-06T22:00:00.000+01:00

Vááá, hvað þetta er asnalegt. Úff.

Ég sá hluta af þessum þætti og aulahrollurinn alveg að gera út af við mig á meðan hann afhenti rósirnar. Æææ. „Viltu veita mér þann heiður að taka við þessari rós?“ - þetta hljómar bara svo ótrúlega asnalega.

Ég tek samt ofan fyrir stelpunni sem sagði nei, haha. (mamma sagði mér að hún ynni í sýslumanninum í Kópavogi fyrir áhugasama).

já, hæ

2005-10-03T21:00:00.000+01:00

... ég var klukkaður. ég:

á erfitt með að skrifa þennan lista
er feiminn
nota tímann minn ekki vel
hef aldrei verið í eins slæmu líkamlegu formi og nú, það sökkar
ætti að vera að læra latínu núna

jebb.

Ræðukeppnin í gærkvöldi ...

2005-09-24T15:52:00.000+01:00

fannst mér skemmtileg og krakkarnir sýndu sko hvað í þeim býr. Áfram með ykkur, þið eruð beitt.

Jájá,,,

2005-09-08T18:23:00.000+01:00

Ég er ekki enn kominn með netið þannig að ég blogga ekkert, sorry aðdáendur. Þetta er bara stutt check-in til að sanna að ég sé á lífi, sit hérna og borða ostaköku, mm.

Þessir busar eru alveg ágætir held ég bara. Fínn dagur í dag og vonandi skemmtilegur fyrir þá, ehh? Svo er bara ballið og þessi pakki ...

jebbjebbjebb, sjáuumst - bæææææ.

Emmerr

2005-08-25T14:12:00.000+01:00

Hah.

Í skólanum, í skólanum er skemmtilegt að vera. Ég er samt ekki alveg kominn inn í þetta (frekar en aðrir vonandi?) en þetta verður pottþétt stuð, jöö. Hef lítið tekið eftir busalingum hingað til en það er kannski útaf því að Casa er LOKUÐ og í rúst og verður eitthvað frameftir - glatað.

Flott Morkinskinna sem kom út í dag. Hef reyndar eitt út á hana að setja, með glansplaststundatöflusíðuna ... en það er samt í lagi mín vegna. Bara sehr cool og báðir þumlar upp :)

Fjúff

2005-08-19T16:58:00.000+01:00

Þetta gekk. Ökukennarinn minn hafði aldrei lent í þessu áður, þ.e. að nemandi týndi ökunámsbók rétt fyrir próf. Hann náði þó að kýla þetta í gegn og nú er ég því kominn með bráðabirgðarakstursheimild (langt orð.)

Bílpróf

2005-08-19T00:52:00.000+01:00

Fokk, fokk, fokk. Ég er stressaður. Ástæðan er sú að ég er að fara í bílprófið kl. 7 í fyrramálið OG ÉG FINN HVERGI ÖKUNÁMSBÓKINA MÍNA!

Frábært!

Google Earth

2005-08-12T12:14:00.000+01:00

Hveeeeeersu svalt er þetta?
Farið i downloads til vinstri og skoðið jörðina okkar. Þetta er geðveikt.

Stockholm

2005-08-04T09:40:00.000+01:00

Vid komum til Svitjodar i gaer. Eg sit a Sidewalk Express internet cafe i Stokkholmi med pabba ad leita ad gistingu.

Borgin er mjög snyrtileg og falleg, serstaklega gamli baerinn, vava. Samskiptin vid Sviana hafa verid god hingad til. Madurinn vid hlidina a mer herna a netkaffinu sa ad eg var ad horfa a pabba i tölvunni og var svo vingjarnlegur ad hann gaf mer 30 minutna adgang ad internetinu alveg upp ur turru.

Tad er svolitid gaman ad vera ekki med neina potttetta gistingu. Vid erum ad fara til Norrköping a eftir. Tar segir folk ad allt se uppbokad (folk a heimsmeistaramotinu er buid ad fylla baeinn.)

KANNSKI VID GISTUM BARA UTI A TUNI EF EKKERT FINNST?

Jess

2005-07-29T18:08:00.000+01:00

Það leit allt út fyrir að ekkert yrði úr fyrirhugaðri ferð til Svíþjóðar en í morgun var ég vakinn með stuttri gleðifrétt:

Kári, þú ert á leiðinni til Svíþjóðar.

Það verður gaman.

Línó

2005-07-24T19:57:00.000+01:00

Að línuskauta er eins og að hjóla, það gleymist ekki.
Gott sport.

Geisp

2005-07-24T11:48:00.000+01:00

Úff, svei hvað ég kem mér alltaf í leiðinlegar aðstæður.

Gærkvöldið byrjaði vel með skemmtilegri grillveislu hjá Bjarna en við fórum svo á sálarballið í skautahöllinni, sem var frekar súrt. Síðan fórum við niðrí bæ og allt í góðu með það, blablabla. Þegar kom að heimför ætlaði ég að vera sniðugur og spara mér leigubílakostnaðinn (sem er ansi drjúgur) upp í Mosfellsbæ og sofa bara á Freyjugötunni, þar sem ég er nú búinn að fara með rúmið mitt og annað dót þangað.

Strákarnir fóru því bara heim í taxa en ég labbaði og ætlaði að fara að sofa. Þá komu upp leiðindi 1: Ég var ekki með lykil. Í sjálfu sér ókei, þýddi aðeins að ég þyrfti að vekja Unu og Önna snemma morguns. Leiðindi 2: Ég fattaði að þau voru ekki heima, heldur á Laugarvatni.

Hmm, en gaman. Nýbúinn að kveðja strákana sem allir héldu heim á leið í taxa. Jæja, leiðindi 3: Síminn var algjörlega rafhlöðulaus og leiðindi 4: ég átti ekki peninga fyrir taxa (3-4 þús kjell).

Ég ákvað því bara að rölta um bæinn og eyða tíma þar til strætó færi að ganga, lalalala í klukkutíma. Þá var ég orðinn mjög þreyttur og enn langt í strætó svo ég settist niður á bekk hjá Humarhúsinu. Þaðan gat ég fylgst með tímanum á Dómkirkjuturninum og vonaði að ég sæi þegar strætó færi að ganga á Lækjartorg.

Þar sem enn var töluvert langt í strætó og ég orðinn þreyttur fór ég að dotta þar sem ég sat á bekknum (leið eins og ég væri kominn aftur til Svíþjóðar 2002 að bíða eftir flugvél í 10 tíma eftir níunda bekk: sofna/vakna/sofna o.s.frv.)

Leiðindi 5: það er búið að breyta leiðakerfi strætó svo að ég þurfti að labba upp á Hlemm til að taka strætó. Klukkan var alveg að verða 8 þegar ég kom á Hlemm og ég vonaði að ég gæti hoppað strax upp í næsta vagn en svo gott var það nú ekki. Leiðindi 6: í nýja leiðakerfinu byrja vagnarnir að ganga kl. TÍU á sunnudagsmorgnum. JESS.

Ég nennti ekki að hanga á Hlemmi, þar sem misjafnir menn sváfu á bekkjum (eins og ég, ha) og gubbuðu og voru dörtí, svo ég labbaði af stað og ætlaði frekar að eyða tímanum á labbi þar til klukkan yrði tíu og ákvað að setja stefnuna bara eins langt og ég kæmist heim á leið á þeim tíma, á strætóleiðinni. Ég var kominn alla leið upp á Grensás þegar klukkan sló tíu og ég var nýsestur þegar ég sá strætisvagninn nálgast. Ég byrjaði að sjá rúmið mitt í hyllingum ... en bamm, leiðindi 7: STRÆTÓINN KEYRÐI FRAMHJÁ SKÝLINU!??! moðerfokker og hann gengur á 30 mín. fresti á sunnudögum! Ég hélt þá bara áfram að labba til að reyna að létta á bræðinni og var kominn alla leið upp í Ártúnsbrekku þegar næsti vagn kom.

Böh, þetta var nú lang frásögn og leiðinleg en ekki eins leiðinleg og nóttin samt, vona ég.

Jæja ...

2005-07-21T17:28:00.000+01:00

Er þetta svona að búa í 101? Strax búið að reyna að brjótast inn hjá okkur.

Áfangi

2005-07-20T22:37:00.000+01:00

Ég tók bóklegt bílpróf í dag og rústaði því. Það virðist samt vera erfitt fyrir ökukennarann minn að leyfa mér að drullast í gegnum þetta bara, því ég þarf alltaf að bíða svo lengi eftir öllu. Nú er hann í sumarfríi fram yfir verslunarmannahelgi. Öööhh.

Rakst á Greifann í sundi. Hann var bara hress held ég. Gott mál.

Snoop D.O. double G

2005-07-17T20:21:00.000+01:00

Haa, er ég svona seinn? Bara verið að rústa Cösu?
Allt nýtt þegar við förum í skólann í haust ...

Til þín! - Með kærleika!

2005-07-15T12:45:00.000+01:00

Ástkæri vinur!
Þú ert barnið Mitt og Ég elska þig svo mikið. Svo einfalt er það. Það skiptir ekki máli hvað þú hefur gert, eða hvað þú hefur ekki gert. Innra með þér er lifandi, eilífur andi, sem Ég þekki náið og elska mikið.
Þú ert hér á jörðinni, lifir lífinu, tekur ákvarðanir og reynir að komast að því hvernig best sé að lifa og gera hlutina. Ég bæði veit þetta og skil því að í þessu er lífsbaráttan fólgin. En allt þetta gæti verið miklu auðveldara ef þú næðir andlegu sambandi við Mig.
Enda þótt þú haldir áfram að lifa, eldast og síðan deyir verður andinn aldrei gamall. Hann deyr aldrei. Þú sjálfur, þú sem býrð inni í líkama þínum, lifir að eilífu. Þess vegna er ekki gott að sækjast mikið eftir hinum holdlegu og veraldlegu gæðum heimsins, því að dag einn mun að því koma að við skiljum við þetta allt. Það sem í raun og veru skiptir mestu máli eru hinu andlegu gæði sem eru kærleikur, góðvild, miskunnsemi, skilningur og gjafmildi. Þetta er það sem gerir þig auðugan í anda og andlega sterkan.
Þegar að því kemur að þú kveðjir þennan heim, þá er það andlegur styrkur þinn sem máli skiptir. Láttu gott af þér leiða. Sýndu kærleika. Vertu umhyggjusamur. Elskaðu fjölskyldu þína. Láttu þér þykja vænt um vini þína. Vertu elskulegur við nágranna þína. Vertu vingjarnlegur við þá sem þú hittir. Vertu miskunnsamur, vingjarnlegur og samúðarfullur. Með því að miðla kærleikanum ertu að sýna öðrum hver Ég er. Því að ég, Guð, er kærleikurinn og Ég elsksa þig. Mig langar að búa með þér til eilífðar.
Þegar þú kemur að leiðarlokum lífsins og líf þitt er á enda, þarftu að fá lykilinn að heimili Mínu til að fá að komast inn á þann stað sem kærleikurinn ríkir. En þú þarft ekki að vinna fyrir lyklinum, heldur réttu bara út hönd þína og Ég mun gefa þér hann strax. Lykillinn er sonur minn, Jesú. Ég rétti þér lykilinn og segi, "Þú mátt eiga hann af því að Ég elska þig."
Það má líkja þessu við eins og Ég væri að bjóða þér lykilinn að hvelfingu fjársjóðar Míns og segði við þig, "Þú átt þetta vegna þess að Ég elska þig". Með þessum lykli getur þú opnað hvelfinguna og fundið hana fulla af fjársjóði.
Taktu við lyklinum. Lykillinn leyfir þér að búa hjá Mér til eilífðar. Segðu einfaldlega: "Guð, ég vil taka við lífslyklinum þínum, ég tek á móti syni þínum Jesú, sem er lykillinn. Ég tek á móti lyklinum, ég vil fá hann". Þessi lykill mun þá verða þinn að eilífu.
Ég elska þig, þú ert barn Mitt og Ég gef þér lykilinn að sjóði Mínum, lykilinn sem gerir þér kleift að lifa að eilífu. Þú átt hann ef þú tekur við honum.

Með ástarkveðju,

Þinn himneski Faðir

---

!!!??!?!!

HVER skrifar svona lagað?
Hingað komu tveir menn sem buðu okkur að kaupa tímalaust dagatal fyrir "Fjölskylduna-Líknarfélag ses" til styrktar einhverju. Kannski fallegur boðskapur, ég veit það ekki? En er þetta ekki FULL mikið af hinu góða!?

Þetta er eitt það hallærislegasta sem ég hef nokkru sinni Séð & Heyrt!

Skítt

2005-07-15T01:03:00.000+01:00

Ég klippti mig óvart alveg upp í kviku þegar ég var að klippa á mér fingurneglurnar áðan. Þ.a.l. er vont að skrifa svo þetta verður ekki lengra.

Gaman

2005-07-12T20:48:00.000+01:00

Nú, þar sem stutt er í að ég flytji þá hef ég verið að taka til dótið mitt, grafa upp gamalt dót og sortéra/henda o.s.frv. Í skrifborðsskúffunni minni fann ég þetta skemmtilega plagg, stílað á mig:

til Kára Sighvatssonar

Eigandi þessa gjafabréfs fær gegn framvísun þess hjá Ferðaskrifstofunni Úrval-Útsýn, 50.000.- króna ferðainneign að eigin vali

frá systkinum

Útgáfudagur 12. apríl 2001

Þetta er fermingargjöfin sem ég var ALVEG búinn að gleyma. Eins gott að ég henti þessu ekki fyrir slysni ásamt öllum hinum pappírunum sem ég er búinn að henda.

Amazon

2005-07-04T22:43:00.000+01:00

Hæ.

Er einhver fróður um starfsemi Amazon?
Ég vona a.m.k. að einhver geti sagt mér hvort það þurfi að borga toll af draslinu sem maður pantar ... hvort það sé bara af sumu/engu/öllu/blahbla?

Live 8

2005-07-02T16:13:00.000+01:00

Ég vil hvetja alla til þess að skrifa nafnið sitt undir á Live 8 listann

http://www.live8live.com/

Topp 10

2005-06-25T00:26:00.000+01:00

Ég hlusta oft á X-ið í vinnunni og þar spila þeir topp tíu listann yfir hina ýmsu hluti, oftast algjört rugl. Samt getur maður oftast hlegið að vitleysunni en núna áðan rakst ég á topp tíu lista á síðu CBS og fannst hann nokkuð fyndinn. Ég veit ekki með ykkur:

Top Ten Reasons Saddam Hussein Loves Doritos
10. Three-cornered chips remind him of the Sunni Triangle
9. Chemical Ali taught him how to convert the spicy powder into a nerve agent
8. The "crunch" sounds like the breaking of a dissident's bones
7. Pringles are for Kurds
6. They are corn chips of mass deliciousness
5. Goes perfectly with a tall glass of camel milk
4. Endorsed by his favorite late night television host, Al-Asaad Muhammed Leno
3. "Cool ranch" flavor is a preview of the paradise that awaits a martyr
2. When beard is full of orange crumbs, he can do hilarious "Yosemite Saddam"
1. Delicious taste allows him to momentarily forget he'll spend eternity in hell

BS.

Skólasystir

2005-06-23T23:30:00.000+01:00

Ég er kominn með downloadsýki. Svo er litla systir líka að fara að byrja í MR í haust, ekki bara venjuleg systir heldur skólasystir líka.

Kúl stöff.

17. júní

2005-06-17T13:06:00.000+01:00

Fáninn

Það er gott að vera Íslendingur.

Hjólið góða

2005-06-13T01:10:00.000+01:00

Hjólið

Þetta er hjólið góða. Bögglaberinn datt af, frambrettið er laust og dinglandi og stýrið er allt riðandi en að öðru leyti er það í nokkuð góðu standi. Svo eru líka á því pumpa og veski. Ég ætla að laga hjólið og eiga það en þannig rætist gamall draumur, að eignast alvöru hjól. Þetta er næstum því Skandinavíufílingurinn.